Tuis

Moord in Ixia Straat

Grafiese Roman deur Willem Samuel, Swart Streep, en Sjaka Septembir.

Offisiële launch datum: 9 September 2017 by die Open Book Festival in Kaapstad.

Bal-oog Belisitiek en Brommel Bos is beste vriende wat 
grootword in Milnerton, Kaapstad.

Bal-Oog is dolverlief op Anja, maar sy het ‘n boyfriend, 
die rugbyheld Kobus Burger.

Toe Kobus verdwyn besluit Bal-Oog en Brommel om ondersoek 
in te stel. En word gou verstrengel in die skadu-wêreld van Milnerton se skurke.

Net toe dit lyk of Bal-Oog en Brommel hul moses gaan teekom, ontdek hulle ‘n misterieuse bak in die kelder van Knolkop 
die Porseleinverkoper…

Moord in Ixia Straat is Bal-Oog en Brommel se eerste speur avontuur.

Skeppers

Willem Samuel

WILLEM SAMUEL is ‘n multi-media kunstenaar uit Kaapstad en werk in die animasie bedryf en is bes bekend vir sy grafiese roman, Mengelmoes, wat in Groot Brittanje gebubliseer is in 2016. Oor die jare produseer het hy ‘n konstante stroom illustrasies en skilderye, terwyl hy ook musiek opneem en vrylaat. Om meer van Willem se werk te sien, gaan na willemsamuel.com.

Swart Streep

SWART STREEP is die komieks skuilnaam van David du Plessis, ervare kinderboek skrywer en illustreeder. Sy boeke word gepubliseer deur Penguin Random House. Benewens die skep van boeke is hy ’n digitale ontwerper wat ook experimenteer met animasie. Om meer van sy werk te sien besoek david-du-plessis.com.

Sjaka Septembir

SJAKA S SEPTEMBIR het sy M.A. in Teater (cum laude) by UCT verwerf en spog met 18 jaar ervaring in die drama wêreld. Hy is ’n gepubliseerde digter, akteur en regisseur. Hy skryf gereeld vir die verhoog, en bied werkswinkels aan in Fisieke Teater.

Agtergrond

Die komiek, Bal-Oog Belistiek, is geskep in die jaar 2000 deur die skrywer Sjaka S. Septembir en die grafiese kunstenaar Swart Streep in die destydse Long Street Café in Kaapstad.

In 2002 self-publiseer hulle die grafiese roman Bal-Oog Belistiek No.1, en in die jare daarna volg ’n reeks eksperimentele animasie kort-films.

Na ’n onderbreking van vyf jaar, besluit hulle om nuwe materiaal te skep, en in 2014 sluit die strip kunstenaar Willem Samuel by hulle aan, en so begin werk aan Moord in Ixia Straat.