Knol Kop was hier

Graphic novels en animasie is harde werk. Tog doen baie mense dit, elke dag – al voel dit soms soos om stadig dood te bloei.

Dit is seker beter as strate oop breek om pype te vervang, of om vulsels in tande te sit. Dis moontlik minder cool as om ’n rockstar te wees. Ek sal nie weet nie. Wanneer mens teken kan enige iets gebeur. Dit is hoekom ek aanhou – oor en oor gaan sit en ’n potlood skerp maak.

Vat vir Knol Kop. ’n Karakter in Moord in Ixia Straat. Nou bestaan hy, sy wêreld en persoonlikheid is onmiddelik daar. En dit is die magick.

Hier is ’n screenprint test-run van Knol Kop.

Die Storie Agter Moord in Ixia Straat…

In Milnerton staan Millpark – ’n monolitiese woonstelblok wat hurk oor die voorstad se vreesbevange strate.

In Woonstel 105 – weggesteek agter ’n los houtpaneel in die slaapkamer – ontdek Sjaka S Septembir ’n versameling ou dagboeke.

Die dagboeke blyk om ’n omnibus te wees van Bal-Oog Belistiek en Brommel Bos se avonture – twee vriende wat grootgeword het in Milnerton.

Dagboek inskrywings uit 1994 vertel hoe díe twee betrokke raak in ’n moord misterie

Sjaka en Swart Streep is besig om die storie na te vors en beplan om dit te publiseer as ’n grafiese roman, getiteld: Moord in Ixia Straat.

Musiek in die video deur: Alex Omega